ມັກ 8 (ຫລື ອຣິຍະມັກມີອົງ 8) ເປັນຫົນທາງປະຕິບັດສາຍກາງເພື່ອນຳໄປສູ່ການດັບທຸກ ຊຶ່ງເປັນຂໍ້ສຸດທ້າຍໃນອຣິຢະສັດ 4 ປະກອບດ້ວຍອົງປະກອບ 8 ປະການ ດັ່ງນີ້:
- ສຳມາທິຕຖິ (ຄວາມເຫັນຊອບ) – ຄວາມເຂົ້າໃຈຖືກຕ້ອງໃນເລື່ອງກົດແຫ່ງກຳ ເຂົ້າໃຈອະຣິຢະສັດ 4 ແລະ ຮູ້ຖືກຮູ້ຄວນຕາມຄວາມເປັນຈິງ.
2. ສຳມາສັງກັບປະ (ຄວາມດຳຣິຊອບ) – ຄວາມຄິດທີ່ປາດສະຈາກຄວາມໂລບ ຄວາມຮ້າຍແຮງ ແລະຄວາມບຽດບຽນ (ຄິດໃນການອອກບວດ, ຄິດບໍ່ພະຍາບາດ, ຄິດບໍ່ບຽດບຽນ)
3. ສຳມາວາຈາ (ການເຈລະຈາຊອບ) – ການເວົ້າຈາດ້ວຍຄວາມສຸດຈະຫລິດ ຫລິກເວັ້ນການເວົ້າບໍ່ຈິງ ເວົ້າຄຳຫຍາບ ເວົ້າສໍ່ສຽດ ແລະເວົ້າເພີ້ເຈີ.
4. ສຳມາເຮັດງານ (ການກະທຳຊອບ) – ການປະພຶດປະຕິບັດທາງກາຍທີ່ສຸດຈະຫລິດ ເວັ້ນຈາກການຂ້າສັດ ລັກຊັບ ແລະປະພຶດຜິດໃນກາມ
5. ສຳມາອາຊີວະ (ການລ້ຽງຊີບຊອບ) – ການປະກອບອາຊີບທີ່ສຸດຈະຫລິດ ບໍ່ຜິດສິນລະທຳແລະບໍ່ບຽດບຽນຜູ້ອື່ນ
6. ສຳມາວາຢາມະ (ຄວາມພຽນຊອບ) – ຄວາມພຽນໃນການປ້ອງກັນບາບທີ່ຍັງບໍ່ເກີດ, ລະເວັ້ນບາບທີ່ເກິດຂື້ນແລ້ວ, ສ້າງກຸສົນທີ່ຍັງບໍ່ເກີດ, ແລະຮັກສາກຸສົນທີ່ເກິດຂື້ນແລ້ວໃຫ້ຄົງຢູ່.
7. ສຳມາສະຕິ (ຄວາມລະນຶກຊອບ) – ການມີຄວາມລະນຶກຮູ້ເທົ່າທັນກາຍ ເວທະນາ ຈິດ ແລະທຳ ຢູ່ໃນປັດຈຸບັນ (ການມີສະຕິປັດຖານ 4)
8. ສຳມາສະມາທິ (ຄວາມຕັ້ງໝັ້ນຊອບ) – ການຝຶກຈິດໃຈໃຫ້ສະຫງົບ ແນ້ວແນ່ ແລະມີສະມາທິໝັ້ນຄົງ ບໍ່ຟຸ່ງຊ່ານ
